Nunatta Katersugaasivia Allagaateqarfialu
Grønlands Nationalmuseum & Arkiv
BurgerBurger
Arrow-simple-leftArrow-simple-leftArrow-simple-rightArrow-simple-right

Illup suliarinissaanut akuersissut

Illup eqqissisimasuutitap suliarinissaanut akuersissummik Nunatta Katersugaasivianut Allagaateqarfianullu qinnuteqartoqartarpoq. Uani illup suliarinissaanut akuersissut aammalu Nunatta Katersugaasiviata Allagaateqarfiatalu pisussaaffii paasisaqarneruffigisinnaavatit.

 

Suut akuerineqaqqaartariaqarpat?

Illut eqqissisimasuutitat tamarmik suliarineqassagaangata Nunatta Katersugaasivia Allagaateqarialu akuersitinneqaqqaartariaqarpoq suliassap illu eqqissisimasuutinneqarneranut attuumassuteqarpat, suliassarlu nalinginnaasumik aserfallatsaaliuinerminngaanniit annertuneruppat. Nunatta Katersugaasivia Allagaateqarfialu akuersissummut attuumasumik piumasaqaateqarsinnaavoq.

 

Illumik eqqissisimasuutitamik suliaqartoqarnissaanut akuersussummik qinnuteqartoqareernerata kingorna Nunatta Katersugaasiviata Allagaateqarfiatalu aaliangissavaa, suliaqarnermut aningaasartuutit ilaannaa tamaalluunniit aningaasartuutissanut inatsimmit akilerneqassanersoq.

 

Nunatta Katersugaasiviata Allagaateqarfiatalu nalunaarsornikuuaat suut illut eqqissisimasussaatitaanersut, taassumalu saniatigut eqqisisisimasussaatitaanermut piumasaqaatit aamma allattorneqarsimallutik.

 

Nunatta Katersugaasiviata Allagaateqarfiatalu illut eqqissisimasuutitat tamarmik nakkutigivai.

 

Qanoq akuersissummik qinnuteqartoqartarpa?

Nunatta Katersugaasivianut Allagaateqarfianullu akuersissummik qinnuteqartoqartarpoq. Saaffiginnginnittoqannginnermi innersuutigineqartarpoq uppernarsaatit tamarmik piareersimatinneqassasut. Qinnuteqaatinut assersuutit uani takusinnaavatit.

 

Ukua tulliuttut qinnuteqaatinnut ilanngussinnaavatit:

-         Suut suliarineqarniarnersut allanngortinniarneqarnersulluunniit nassuiarneqassapput

-         Titartakkat assilisallu maanna atuuttut

-         (Illup isikkussaanut titartakkat)

-         Suliarinnittoqarnissami suut atorneqassanersut, sanariaaseq suna atorneqassanersoq paasissutissiissutigineqassapput

Nalinginnaasumik aserfallatsaaliuinermik suliaqarniaraanni akuersissummik qinnuteqaqqaartoqarneq ajorpoq

Nalinginnaasumik aserfallatsaaliuinermik suliaqarniaraanni Nunatta Katersugaasivianut Allagaateqarfianullu akuersissummik qinnuteqartoqarneq ajorpoq. Tassaniippullu illup qalipaataanik, saavanik, atortuinik, angissusaanik ilusaanillu allannguinngitsumik suliaqarneq. Nalingissaasumik aserfallatsaaliuineq pillugu Soqqusaappat, sussappat?-mi paasisaqarnerusinnaavutit.

 

Nalinginnaasumik aserfallatsaaliuineq ukunannga imaqarsinnaavoq:

-         Illup qalipaatigisaa allanngornagu qalipaanerit

-         Kalkiterineq qalipaatit atorneqartut atorluguit

-         Qaliap ilaa taaserlugu

-         Qarmamut qalliutit suliarineqarneri

-         Illup iluani nalinginnaasumik iluarsaassineq, assersuutigalugu igalaat-saavi qalipanneri

CloseClose

Ujarfigiuk Nunatta Katersugaasivia Allagaateqarfialu

By using this website, you agree to the use of cookies to give you the best user experience.Ok