Allagaateqarfup ilisimatusartunik sullissinera unitsinneqarallarpoq

Spiral-ilersuisimaneq pillugu qulaajaanermi ilisimatuut allagaatinik misissuineranni allagaatilerisut sullissimmata, nunatsinnilu oqartussat allagaataannik annertuumik tunniussinerit ingerlanneqarmata aammalu nalunaarsuineq annertuumik ingerlanneqarmat ilisimatusartunik sullissinerputunitsikkallarparput. Taamaammat ukiup sinnerani allagaateqarfimmi misissuiniartunik unitsitsigallarpugut.

Tamanna atuuppoq allagaateqarfimmi ilisimatuutut misissuiumallutik saaffiginnittartunut, pulaarumasunut, allagaatinik misissuiumasunut, ilanngullugulu allagaatinut misissuiniarnermi tunngasunik saaffiginnittunut imaluunniit allagaateqarfimmik atuisunut siunnersuisarneq aammalu sullissineq.

Inummut namminermut tunngasunik paasissutissanik pissarsiumasut, soorlu atorfeqarnermut, akileraartarnermut, soraarummeersimanermullu tunngasut aammalu pisortat sullissiveqarfiutaannik sullissinerput ingerlatiinnarparput, kisiannili sullissineq ilaatigut kigaassinnaavoq.

Nunatta Allagaateqarfianut tikilluarit

Nunatta Allagaateqarfia 1982-imi suliffeqarfittut pilersinneqarpoq. Ukioq 1991 Nunatta Allagaateqarfia Nunatta Katersugaasivialu kattunneqarput. Ullumikkullu suliffeqarfittut ataasiusutut inissisimavoq, taaguuserlugu Nunatta Katersugaasivia Allagaateqarfialu.

Uani nittartakkami suut allagaataatigineqarnersut nassaarineqarsinnaapput, qanorlu misissorneqarlutik atorneqarsinnaanersut. Taamatuttaaq allagaateqarfiup sullissisinnaaneranut paasissutissat.
Kalaallit Nunaanni oqartussanut tunngatillugu, Allagaateqafiup  pisortaqarfiit allagaataannik sullissinera  nittartakkami takuneqarsinnaavortaaq.

Attavissat

Kalaallit Nunaata allagaateqarfia

Manutooq 1
P.O. Box 1090
3900 Nuuk
Grønland

Oqarasuaat.: (+299) 362330

Fax: (+299) 323479

E-mail: arkiv@arkiv.gl

Allaffiup telefonillu ammasarfii

Marlunngornermiit tallimanngornermut

nal. 10-14

Ataasinngornikkut matoqqasarpoq