Pisortat oqartussaqarfiinut tunngasoq

Nunatta Allagaateqarfia tassaavoq Kalaallit Nunaanni pisortat suliffiisa qitiusumik allagaataasiviat. Tassa imaappoq, nunatsinni pisortat oqartussaqarfii tamarmik, naalagaaffiup oqartussaqarfii minilugit, pisusaatitaasut piffissap ingerlanerani allagaataatit katersorsimasat pingaarutillit Nunatta Allagaateqarfianut tunniutissallugit. Tunniussat sorliit pingaaruteqarnerunersut Nunatta Allagaateqarfiata aalajangigassarivaa. Tamatuma saniatigut Allagaateqarfiup allagaatit qanoq toqqortaatigineqarnissaannut ilitsersuutinik maleruagassanik sinaakkusiisarput, taamatuttaarlu allagaateqarnermut tunngasunik pisortanut siunnersiusartutut inissisimallutik.

Quppernerit ataani takuneqarsinnaasut tassaapput pisortaqarfiit sulisuisa allagaatinik passussinissaminnut allagaaserinermilu suleriaasassamik ilitsersuutit. Takusinnaavatit allagatinik tunniussinermi periutsinut ilitsersuutit, allagaateqarneq pillugu inatsit atuuttut aammalu Allagaateqarfiup aalajangersagai.