Allagaateqarfup ilisimatusartunik sullissinera unitsinneqarallarpoq
Spiral-ilersuisimaneq pillugu qulaajaanermi ilisimatuut allagaatinik misissuineranni allagaatilerisut sullissimmata, nunatsinnilu oqartussat allagaataannik annertuumik tunniussinerit ingerlanneqarmata aammalu nalunaarsuineq annertuumik ingerlanneqarmat ilisimatusartunik sullissinerputunitsikkallarparput. Taamaammat ukiup sinnerani allagaateqarfimmi misissuiniartunik unitsitsigallarpugut.
Tamanna atuuppoq allagaateqarfimmi ilisimatuutut misissuiumallutik saaffiginnittartunut, pulaarumasunut, allagaatinik misissuiumasunut, ilanngullugulu allagaatinut misissuiniarnermi tunngasunik saaffiginnittunut imaluunniit allagaateqarfimmik atuisunut siunnersuisarneq aammalu sullissineq.
Inummut namminermut tunngasunik paasissutissanik pissarsiumasut, soorlu atorfeqarnermut, akileraartarnermut, soraarummeersimanermullu tunngasut aammalu pisortat sullissiveqarfiutaannik sullissinerput ingerlatiinnarparput, kisiannili sullissineq ilaatigut kigaassinnaavoq.
Ilimmarfiup isaariaatigut iseruit, siumussavatit majuartarfiit nerriviusaq qernertoq. Saavata tungaaniippoq allagaateqarfimmut isaariaq.
Ilisimatusarnerit sullissinerillu
Nammineerlutit allagaateqarfiliarnissannut periarfissaqanngikkuit allagaateqarfimmi misisuititsisinnaavutit akiliillutit. Allagaateqarfik aamma inaarutaarumik misilitsinninnut uppernarsaatinik aallerfigisinnaavat, siuaasannik paasiniaavigisinnaavat allarpassuillu. Uani atuaqqissinnaavutit.
Paasissutissat
Nunatta Allagaateqarfiata allaffii Ilimmarfimmiipput, Manutooq 1, 3905 Nuussuaq, taannalu Ilisimatusarfiup inissisimaffianiilluni. Ilimmarfimmukarniaruit (Nuumminngaanniit) Nuussuup tungaanut ingerlassaatit saamiatungaanullu sangussaatit mittarfiup tungaanut. Ilimmarmik Pinngortitalerivillu talerpiata tungaani ersilissaat 500 meterit missaa ingerlareeruit. Nunatta Allagaateqarfia init quleriit allersaanniippoq Ilimmarfiup isaariaata saamiatunginnguani.
Allaffiup telefonillu ammasarfii
Marlunngornermiit tallimanngornermut
nal. 10-14
Ataasinngornikkut matoqqasarpoq
Saaffissat
Oqarasuaat: (+299) 362330
Fax: (+299) 323479
E-mail: arkiv@arkiv.gl
Adresse
Nunatta Allagaateqarfia
Manutooq 1
P.O. Box 1090
3900 Nuuk
Kalaallit Nunaat
Titartakkanik toqqorsivik
Nunatta allagaateqarfia aamma titartakkanik annertuunik toqqortaateqarpoq, taakkualu tassaapput GTO (Grønlands Tekniske Organisationi)-miit illuliassatut titartakkat, titartakkallu skannikkat piniarneqarsinnaapput akiliinikkut. Titartakkanut toqqorsivik adressemi allami inissisimavoq. Titartakkanik toqqorsivik oqarasuaatikkut emailikkullu saaffigineqarsinnaavoq:
Oqarasuaat +(299) 382236
Email: tegningsarkivet@arkiv.gl
Sulisut ataasiakkaat nassaarineqarsinnaallutillu saaffigineqarsinnaaput una toorlugu