Nunatta Katersugaasivia Allagaateqarfialu
Grønlands Nationalmuseum & Arkiv
BurgerBurger
Arrow-simple-leftArrow-simple-leftArrow-simple-rightArrow-simple-right

Allagaateqarfup ilisimatusartunik sullissinera unitsinneqarallarpoq

Spiral-ilersuisimaneq pillugu qulaajaanermi ilisimatuut allagaatinik misissuineranni allagaatilerisut sullissimmata, nunatsinnilu oqartussat allagaataannik annertuumik tunniussinerit ingerlanneqarmata aammalu nalunaarsuineq annertuumik ingerlanneqarmat ilisimatusartunik sullissinerputunitsikkallarparput. Taamaammat ukiup sinnerani allagaateqarfimmi misissuiniartunik unitsitsigallarpugut.

Tamanna atuuppoq allagaateqarfimmi ilisimatuutut misissuiumallutik saaffiginnittartunut, pulaarumasunut, allagaatinik misissuiumasunut, ilanngullugulu allagaatinut misissuiniarnermi tunngasunik saaffiginnittunut imaluunniit allagaateqarfimmik atuisunut siunnersuisarneq aammalu sullissineq.

Inummut namminermut tunngasunik paasissutissanik pissarsiumasut, soorlu atorfeqarnermut, akileraartarnermut, soraarummeersimanermullu tunngasut aammalu pisortat sullissiveqarfiutaannik sullissinerput ingerlatiinnarparput, kisiannili sullissineq ilaatigut kigaassinnaavoq.

Allagaateqarfup ilisimatusartunik sullissinera unitsinneqarallarpoq

Spiral-ilersuisimaneq pillugu qulaajaanermi ilisimatuut allagaatinik misissuineranni allagaatilerisut sullissimmata, nunatsinnilu oqartussat allagaataannik annertuumik tunniussinerit ingerlanneqarmata aammalu nalunaarsuineq annertuumik ingerlanneqarmat ilisimatusartunik sullissinerputunitsikkallarparput. Taamaammat ukiup sinnerani allagaateqarfimmi misissuiniartunik unitsitsigallarpugut.

Tamanna atuuppoq allagaateqarfimmi ilisimatuutut misissuiumallutik saaffiginnittartunut, pulaarumasunut, allagaatinik misissuiumasunut, ilanngullugulu allagaatinut misissuiniarnermi tunngasunik saaffiginnittunut imaluunniit allagaateqarfimmik atuisunut siunnersuisarneq aammalu sullissineq.

Inummut namminermut tunngasunik paasissutissanik pissarsiumasut, soorlu atorfeqarnermut, akileraartarnermut, soraarummeersimanermullu tunngasut aammalu pisortat sullissiveqarfiutaannik sullissinerput ingerlatiinnarparput, kisiannili sullissineq ilaatigut kigaassinnaavoq.

Kiffartuussinerit

Nunatta Allagaateqarfiata soraarummeernermut uppernarsaativit pissarsiarinissaanut ikiorsinnaavaatit imaluunniit allagaatinik allanik pissarsiniarnermi kopeerussullutillu skannerussussinnaavaatit. Uani nittartakkami soraarummeersimanermi uppernarsaatit pissarsiarinerinut akigititaasut takuneqarsinnaapput.


Allagaateqarfiup allagaatinik ilisimatusarnermi inuinnarnullu atorsinnaatitsinermut akiliisitsisinnaanera allagaateqarnermut inatsimmi § 24-mi naqissusigaavoq.

 

Soraarummeersimanermut uppernarsaatit


Nunatta Allagaateqarfiata soraarummeersimanermut uppernarsaatit ilinniarfeqarfiit assigiinngitsuneersut kopiivi tunniussinnaasarpai. Uppernarsaatip nassaarereerneratigut 200 kr.-mik akiliilluni pineqarsinnaavoq.

Akiliineq pissaaq Nunatta Katersugaasiviata Allagaateqarfiatalu konto-anut 6471-100-155-5.


Uppernarsaammik piniarnermi immersuiffissaq immersorneqassaaq, immersugassaq naammassigukku toqqaannaq allagaatilerisunut ingerlaqqissaaq. Immersuiffissamut ingerlaqqigit uani.
Paasititsissutigissavarput Nunatta Allagaateqarfiata soraarummeersimanermut uppernarsaatit tamaasa piginngimmagit. Assersuutigalugu allagaateqarfimmut tunniunneqannginnerminni tammarneqarsimasinnaammata.

Allagaatinik misissuineq


Nammineerluni Nunatta Allagaateqarfianukarluni misissuiartorsinnaanngikkaanni, ilaatigut akiliilluni allagaatinik misissuititsisoqarsinnaanera periarfissaavoq. Tassanili siuaasanik paasiniaaneq ilaanngilaq, allagaatilerisunullu suliakkiissutaasinnaanani.


Allagaatinik misissuititsiniaraanni tamanna allakkatigut e-mailikkulluunniit Nunatta Allagaateqarfianut saaffiginnissutigineqassaaq. Saaffiginninnermi erseqqissumik nassuiarneqassaaq paasissutissat suut ujartoneqarnersut. Kingorna saaffiginnittoq nalunaarfigineeqassaaq saaffiginnissut tamatigoortumik Allagaateqarfiup suliarisinnaanera imaluunniit naamik. Nunatta Allagaateqarfiata suliaq aallartissinnaavaa aatsaat saaffiginnittup suliassiissutaa erseqqippat nassuiarluagaappallu.


Saaffiginnissutit nalinginnaasut nalunaaquttap akunnerata ataatsip iluani suliarineqarsinnaasut akeqanngillat. Allagaateqarfiup nalilerpagu allagaatinik misissuisoqarsinnaasoq, piffissamik atuiffissamik akimillu missingersuusiortoqassaaq. Akunnermut akigititaq aalajangersimasoq akilerneqartassaaq akunnerit aallartinnerini, taassumalu saniatigut kopeerissagaanni taakkununnga aamma akiliisoqartassaaq, nassiussisoqassappallu nassiussinermut akiliuteqassalluni.

 

Sanaartornermi titartagaateqarfiup akigititai:

Sanaartornermi titartagaateqarfiup akigitai massakkut atuuttut uani takuneqarsinnaapput:

Sanaartornermi titartagaatinut akigitinneqartut 2022-meersut

(Akit nutaat januarip 1-at 2022 aallarnerfigalugu atuutilersut)

CloseClose

Ujarfigiuk Nunatta Katersugaasivia Allagaateqarfialu