Nunatta Katersugaasivia Allagaateqarfialu
Grønlands Nationalmuseum & Arkiv
BurgerBurger
Arrow-simple-leftArrow-simple-leftArrow-simple-rightArrow-simple-right

Illut tammatsaaliukkat

Illut eqqissisimassaatitat saniatigut illut tammatsaaliukkat kalaallit kulturikkut kingonussaattut takussutissaapput. Illut tammatsaaliukkat illulioriaatsimik kulturillu oqaluttuassartaannik takutitsipput, taakkuali piffiit aaliangersimasut iluanni. Illut eqqissisimasussaatitat illullu tammatsaaliukkat assigiinngissusigivaat illut eqqissisimasussaatitat nuna tamakkerlugu illuliortariaatsimik kulturillu oqaluttuassartaannik takussutissartaqarmata, illulli tammatsaaliukkat piffimmut aalingersimasumut pingaaruteqarput.

 

Kikkut akisussaasuuppat?

Illut piffiillu tammatsaaliukkkat Naalakkersuisut Kommunalbestyrelsilu isumaqatigiinniareerlutik aaqqiisarput.

Illut tammatsaaliukkat kommuniminngaanniit imaluunniit illoqarfiup ilaani sanaartugassanik pilersaarusiat malillugu taakkartorneqartarput, taakkualu Kommunalbestyrelsip siussaaffigaa qulakkiissallugit tammatsaaliukkat kommunemi pilersaarusianut ilanngunneqarnissaat illullu tammatsaaliorneqarneranut aaliangiisut attatiinnarneqarnissaat qulakkiissallugu. Illup sananeqaataa isiginiarneqartapoq, taakkualu tassaapput ilusaa, silataa, illulioriaatsip annikitsuaqqallu allat ilisarnaatai. Imaassinnaavoq aamma illu ilusaa, atorfia atortuilu eqqarsaatigineqartut. Imaassinnaavormi illup ilusaa qanoq atorneqartarsimaneranik oqaluttuartuusoq. Aammattaaq pingaartorujussuuvoq tammatsaaliukkap kulturikkut avatangiisimi imaluunniit illup piffiilluunniit kulturikkut oqaluttuassaartaannik illulioriaatsimik illuliornermiluunniit atorneqartarsimasunik piffissamut aaliangersimasumut oqaluttuassasut. Taakkualu takuneqarsinnaassapput. Imaassinnaavoq ujaqqat piffimmiit piffissamiillu aalingersuminngaanniit atorneqarsimasut, piffiullu ineriartorneranut takutitsisuusut il.il.

 

Tunuliaqutaa

Oqariartaaseq "illu tammatsaaliugaq" Inatsimmi eqqissisimasussaatitsinermi nassaarineqarsinnaanngilaq. 1980 aallartittoq Nunatta Katersugaasivia nalunaarsuisimavoq illunik piffissamut aaliangersimasunut soqutiginartut, taakkualu 1925 sioqqullugu sananeqarsimapput. Kingusinnerusukkut illut tassanngaanneersut ilaat eqqissisimasussanngortinneqarsimapput.

1990-imi Namminersornerullutik Oqartussat/Aningaasaqarnermullu aaqqissuisoqarfiup atuagaaraq sungaartoq kommuninut tamanut saqqummersippaat tassaniippullu "Illut illoqarfimmilu piffiit tammatsaaliugassat". Atuakkallu taakku kommuneminngaanniillu illoqarfimmi sanaartornissamik pilersaarusiornermi isumassarsiorfigineqarsimapput. Illut amerlanerpaat illoqarfimmut pilersaarusiamut ikkussuunneqarsimapput tammatssaaliugassatut, aammattaarlu illoqarfimmi piffiit aaliangersimasut immikkuullarissusaat tammatsaaliniarlugit pilersarusiuunneqarput. Illoqarfimmi pilersaarusiani amerlasuuni takuneqarsinnaasarput illut suut tammatsaaliugaanersut ilanngullugulu allanneqartarput piginnittut illu qanoq suliareqqusaaneraa.

CloseClose

Ujarfigiuk Nunatta Katersugaasivia Allagaateqarfialu

By using this website, you agree to the use of cookies to give you the best user experience.Ok