Nunatta Katersugaasivia Allagaateqarfialu
Grønlands Nationalmuseum & Arkiv
BurgerBurger
Arrow-simple-leftArrow-simple-leftArrow-simple-rightArrow-simple-right

Suut eqqissisimasussaanngortittarpagut?

Illut eqqissisimasussanngortinneqarnikut imaluunniit tammatsaaliukkat amerlanerpaat tassaapput illut qisunnik sanaat nunasiaataanerup nalaani sananeqarsimasut. Nalunginnaasumik illut eqqissisimasuutitat ukiut 100-jut sinnerlugit pisoqaassuseqarput. Nunatta Katersugaasiviata Allagaateqarfiatalu illut siusinnerusukkut eqqissisimasussanngortittalerusuppaat suli immikkuullarissusaat illulioriaatsimullu immikkuullarissumut takussutissat allanngunnginneranni. Siunissami eqqarsaatigineqartariaqalerpoq illut 1980-ikkornisat allaat eqqissisimasussanngortinneqarnissaat, tassami ineriartortitsinermi illut allanngorujussuarlugit sananeqartalerpata atortussat nutaajunerit akikinnerillu pissarsiarineqarsinnaanngornerisa kingunerisaannit.

Illut inunnit pisortanilluunniit pigineqartut eqqissisimasussanngortinneqarsinnaasarput. Oqaluffiit toqusullu inaat automatiskimik eqqissisimasussaatinneqartarput, taakkuami nunap oqaluttuarisaaneranut pingaaruteqaranik. 

 

Illup avatangiisia aamma eqqissisimasussanngortinneqarsinnaasarpoq.

Illu nakkaatilersoq avatangiisimi qanoq isigineqarnissaanut aaliangeeqataasarpoq. Taamaattumik illup avatangiisii aamma eqqissisimasussanngortinneqarsinnaasarput, illu avatangiiserlu tammatsaaliorniakkap ataatsimut isigalugu nalilerneqarneranut avatangiitsip sannaa ilusaalu eqqissisimasussanngortinniakkamut pingaaruteqarsimappat. Taamaattumik piffiit aaliangersimasut eqqissisimasussanngortinneqarsinnaapput kulturikkut takussutissat tammatsaaliorniarlugit. Assersuutigalugu Qaqortumi illoqarfiup ilaa, illoqarfinnut allanut sanilliullugu kisiartaalluni tissaluttoqarpoq pisuttarfeqaluni illoqarlunilu piffimmi aaliangersimasumi, taakkualu eqqissisimasussaatitaapput.

Suut eqqissisimasussaanngortittarpagut?
CloseClose

Ujarfigiuk Nunatta Katersugaasivia Allagaateqarfialu

By using this website, you agree to the use of cookies to give you the best user experience.Ok