Inuussutissarsiutigalugu piniartoq Åge Hammeken Danielsen qimussertoq. Ittoqqortoormiit, marts.
Aalasuliat tallimat
Suliniut Qimmeq 2016-imi qimmip qimuttup Kalaallit Nunaanni immikkuullarissumik pingaaruteqarnera pillugu filmilianik tallimanik sanasimavoq. Tassani Tunumi, Kitaani Avannaanilu inuusuttut utoqqaallu qimussertartut malinnaavigineqarput.
Filmi takuniarukku qulequtaq tooruk.
Kalaallit Nunaata kangiata sineriaani piniartoq 23-nik ukiulik Martin Madsen najugaqarpoq piniartorsuanngornissaminillu takorluugaqarluni. Qimussit atorlugit puisinniarlunilu nannunniartarpoq, soorlu aamma ilaqutai taamaaliortarsimasut. Kisianni Kalaallit Nunaanni piffissaq allanngoriartorpoq, qimussertarnerlu tammariartorpoq. Martip illoqarfimminit ungasissumiittumiit Ittoqqortoormiiniit eqqarsaatigisarpaa, siunissaq imminut qimmiminullu qanoq ingerlassanersoq.
Sivisussusaa: 9 min. 35 sek.
Kalaallit Nunaata kitaata sineriaani nukappiaqqap nuna tamakkerlugu qimussimik sukkaniunnermi ajugaanissani takorluugaraa. Angalariaaseq qangarnisaq maanna timersuutinngorsimavoq sakkortooq unamminartorlu. Filmiliami Nicki 13-inik ukiulik, siullerpaamik sukkaniunnermi peqataasoq ilisaritinneqarpoq. Nickip ilisaritinneqarnera Ville Siegstadimut 72-inik ukiulimmut atassuserneqarpoq, tassaasoq sukkaniunnermi tusaamaneqarluartoq, qimussertartutut inuunera inuusuttunut amerlasuunut maligassiuisoq.
Sivisussusaa: 8 min. 55 sek.
Angut 1992-imiit 2006-ip tungaanut kulturikkut kingornussassamik ataatsimoorussamik Canadami Alaskamilu inuiaqatigiinnut attaviliiniarluni qimussimik 20.000 km-it sinnerlugit angalasimasoq, Nuummi angerlarsimaffimminit Kalaallit Nunaanni qimussertarnerup siunissaa pillugu eqqarsaatersorpoq. Filmiliami qimussertartorsuaq Ono Fleischerip eqqaamasai sammineqarput.
Sivisussusaa: 7 min. 27 sek.
Sakkutuut immikkoortortaqarfianni Sirius Patruljemmi kalaaleq peqataasoq siulleq annaassiniaaqataavoq, tamannalu inuuneranik ataavartumik allannguivoq. Qimminut ataqqinningaarnini aammalu inuuniarnerminut pingaaruteqassusai kingumut qiviarpai.
Sivisussusaa: 8 min. 15 sek.
Sisimiuni Johanne ulloq ataaseq aalajangerpoq suliffimminit nalinginnaasumit soraarniarluni, qimmini qimuttut piffissaqarfiginerulerniarlugit. Kalaallit Nunaanni arnat piffissaq tamakkerlugu piniartut ikittunnguit ilagaat, ullumikkullu tuttunniarnermik takornariaqarnermillu inuussutissarsiuteqarpoq. Johannep kissaatigaa ernuttami aqqummik tamatumanik malinninnissaat, kisianni Sisimiuni piffissaq allanngoriartorpoq. Filmiliami Inuit kinaassusiannik misissuisoqarpoq aammalu Issittumi qimmit qimuttut sinneruttut amerlanersaat pillugit oqaluttuartoqarluni.
Sivisussusaa: 7 min. 35 sek.
Atuagaq Qimmeq
Suliniummi Qimmeq-mi atuagaq Qimmeq – Kalaallit qimmiat aqqutigalugu, kalaallit qimmiannik qimussertarnerullu kulturiannik ilisimasat Kalaallit Nunaanni meeqqanut inuusuttunullu pissarsiarineqarsinnaapput. Atuagaq meeqqanut atuagassiatut nalinginnaasutut atuarneqarsinnaavoq, imaluunniit atuarfimmi atuartitsinermi atortussaq ilanngunneqartoq iluaqutigalugu atuartitsinermi toqqammavigineqarsinnaalluni.