Inatsit aalajangersakkallu
Suna tamarmi toqqoqqaannarneqarsinnaanngilaq. Kisiannili allatat inuiaqatigiinnut kalaaliusunut oqartussanullu allaffissornikkut inatsisitigullu attuumassutillit, oqaluttuarisaanermullu ilisimatusarnissamut tunngasut pingaarutillit aamma toqqortarineqartarput.
Allagaateqarnermut inatsisit Nunatta Allagaateqarfianut akisussaaffimmik tunniussipput, akisussaaffillu taanna tassaavoq Allagaateqarfik Naalakkersuisoqarfimmi ajunngitsumik nalunaarsuusiortoqarsimanersoq nakkutilliissasoq, soorunami aamma pisortaqarfiit allat suliffeqarfiillu qanoq allagaatinik inississuisarnersut nakkutigissavaat. Taamaasillunilu Nunatta Allagaateqarfiata Kalaallit Nunaata kulturia oqaluttuassartaalu qaqugumorsuaq qularnaassallugu nalunnginneqaannarnissaa.
Nunatta Allagaateqarfiata ilitsersuutit, aaliangiussat inatsisillu allagaatinut inissiinernut tunngasut kikkunnut tamanut misissoriaannanngortippaat. Saqqummiussallu taakku atorlugit iluamik paasisaqarsinnaavutit inatsisinut, aaliangersakkanut Kalaallit Nunaannilu pisortani qanoq allagaatinut inissiinissamut maleruagassat pillugit:
- Allagaateqarfeqarneq pillugu Inatsisartut inatsisaannik Namminersorlutik oqartussat nalunaarutaat nr. 3, 4. februar 2020-imeersoq(Allagaateqarfeqarneq pillugu Inatsisartut inatsisaat 2015-imeersoq, allannguuteqarluni Inatsisartut inatsisaat 2019-imeersup malitsigisaanik nalunaarusiuaavoq)
- Allagaateqarfeqarneq pillugu Inatsisartut inatsisaat nr. 5 3. juni 2015-imeersoq
- Allakkat toqqorsivimmiititat pillugit Naamminersorlutik Oqartussat nalunaarutaat nr. 23 26. september 2016-imeersoq
Allagaateqarnermut tunngasunut ilitsersuutinut, aaliangersakkanut inatsisinullu tunngasunik apeqqutissaqaruit Nunatta Allagaateqarfia saaffigiuk.