Soraarummeersimanermut uppernarsammik pissarsiniarnermut immersuiffissaq
Soraarummeersimanermut uppernarsaatit pissarsiariniarukku atuarfigisimasappit ilinniarfigisimasappilluunniit Nunatta Allagaateqarfianut pappilissat tunniussimaneraat misissorsinnaavarput.
Soraarummeersimanermut uppernarsaatit nutaajuneruppat, atuarfiit/ilinnniarfiit soraarummeerfigisat saaffigeqqaarnissaa innersuussutigaarput. Uppernarsaatit pisoqaaneruppat immersugassaq ataaniittoq immersorlugu saaffiginnissaatit. Soraarummeersimanermut uppernarsaammik piniarnermi oqarasuaatikkut sullissineq ajorpugut.
Taamaallaat illit nammineq soraarummeersimanermut uppernarsaatit immersugassaq immersorlugu piniarsinnaavat, inummut paasissutissat mianernartuusinnaasut inatsitaat naapertorlugu. Inuk alla sinnerlugu soraarummeersimanermut uppernarsaataanik piniaruit arkiv@arkiv.gl-mut allallutit pisinnaatitsissummik nassiusseqqaassaatit, kingornalu aatsaat saaffiginnissutit suliarisinnaalissallutigu.
Malugiuk: Februaarip 1-at 2021 aallarnerfigalugu Nunatta Allagaateqarfiata soraarummeersimanermut uppernarsaatit ilinniarfeqarfinni assigiinngitsuneersut kopimaskinakkut assilineri e-mailikkut allaganngorlugilluunniit nassiussinnaasarpai. Uppernarsaatip nassaarereernerneratigut 200 kr.-mik akiliilluni pissarsiarineqarsinnaavoq.
Malugiuk soraarummeersimanermut uppernarsaativit Nunatta Allagaateqarfianiinnera qulakkeereerneqarsinnaanngimmat.
Soraarummeersimanermut uppernarsaat allagaateqarfimmi issappat Nunatta Katersugaasiviata Allagaateqarfiatalu konto-anut 6471-1001555-mut 200 kr.-mik nuussereernerup kingorna nassiunneqassaaq.
Saaffiginnissutit apuutereerpat naatsorsuutigissavat sullissineq ulluni 5-ni ingerlassasoq