Nunani avannarlerni allagaateqarfiit
Uani quppernermi allagaateqarfiit Nunani avannarlerniittut takusinnaavatit.
Naalagaaffiup allagaateqarfia suliffeqarfiuvoq kulturministeriep ataaniittoq. Allagaateqarfiullu katersugaasa takutippaat Danmarkip oqaluttuassartaa piffissap ingerlanerani.
Islandimi Allagaateqarfimmi allagaatit Islandip 1200-kkunniit ullumikkumut oqaluttuassartaanut tunngasut katersugaatigivaat. Allagaatit inunnut inuiaqatigiillu oqaluttuarisaanerannut tunngasunik ilisimatusarniartut atortarpaat.
Savalimmiuni Allagaateqarfiup inuiattut kingornussat katersat pigivaat, taakkulu oqaluttuarisaanermut, allaffissornermut, inatsiseqarnermullu tunngasut inunnut pisortanullu attuumassusillit toqqortaatigivaat.
Arkivverketimi nassaarineqarsinnaasut tassaapput Kunngeqarfiup allagaatai, Naalagaaffiup allagaateqarfii arfieq pingasut, Saamit allagaataat, aammalu Norskit allagaataat peqqissutsimut tunngasut. Tassanilu allagaatit Norgip oqaluttuarisaaneranut piffiillu aaliangersimasut oqaluttuarisaanerannut tunngapput.
Riksarkivetimi allagaatit naalagaaffiup suliffeqarfeeqqat, oeqatigiiffiit inuillu Sverigemip oqaluttuassartaanut, oqaluttuarisaanerullu paasisinnaanissaanut tunngasusillit pigineqarput.
Ålandimi Landsskapsarkivi allagaateqarfiuvoq imminut ingerlattoq, tassanilu allagaatit Ålandip oqaluttuarisaaneranut pingaarutillit toqqortarineqarput.
Finlandip Allagaateqarfiani katersat inuiatigiinnut tamanut, piffinnut aaliangersimasunut, Saamillu kulturikkut kingornussaanut tunngasut toqqortarineqarput.