Siunnersuisoqatigiit

Kulturikkut eriagisassat tassaapput isumalluutit Kalaallit Nunaanni inuiaqatigiinnut pingaaruteqartorujussuit. Taamaattumik 2007-imi siunnersoqatigiinnik pilersitsisoqarpoq, taakkualu suliassaat tassaavoq qulakkeerinninnissat Kalaallit Nunaanni kulturikkut avatangiisitsinik.

Tunuliaqutaat

Kulturikkut eriagisassat eqqissisimasussaatitaanerannut tunngasoq inatsisartut inatsisaat nr. 11, 19. maj 2010-minngaanneersumi allaqqavoq siunnersoqatigiit eqqissisimasussaatitsisoqarnissaanut siunnersuuteqartassasut, aammalu tusarniaasassasut akuersisoqarsimatillugu. Taakkua saniatigut siunnersuisoqatigiit illunut eqqissisimatitaasunut imaluunniit kulturip oqaluttuassartaanut arlaannut tunngasunut piffiit eriagisassanut tunngasunut siunnersuisussaatitaapput.

NKA Siunnersuisoqatigiillu

Nunatta Katersugaasivia Siunnersuisoqatigiinnut allatsiupput. Nunatta Katersugaasiviata inuit pisortallu eqqissisimasussaatitaanermut tunngasunut siunnersuisoqartussaatillugu siunnersuisoqarput, arlaatigulluunniit taakku pillugit apeqqutissaqartoqartillugu suliarinnittuusarlutik. 

NKA kulturikkut eriagisassanut tunngasunik ingerlatsinermut allannguiniartillugit imaluunniit NKA'mut Siunnersuisoqatigiit siunnersunnersuisussaatillugit nalinginnaasuuvoq Siunnersuisoqatigiit ilanngunneqartarneri.

Kulturikkut eriagisassanut aningaasaliissutit

Kulturikkut eriagisassanut aningaasaliissutit kulturikkut kingornussat pillugit siunnersuisoqatigiit ingerlanerat matussusertussaavaat siunertanullu ukununnga aningaassat atorneqassallutik:

§ 8 imm. 2: Naapertorlugu Nunatta Katersugaasiviata itsarnitsat eriagisassat nunami aalaakkaasut inatsit una naapertorlugu eqqissisimatitaasut nakkutigissassarai.

imm. 3: Itsarnitsat eriagisassat nunami aalaakkaasut pingaarnersaasa aningaasanut inatsip aningaasaliissutaata periarfissiinerata iluani aserfallatsaalinissaat pisussaaffigaa.

§ 14 imm. 3: Qinnuteqartoqareernerata kingorna Nunatta Katersugaasivianit Allagaateqarfianiillu aalangiisoqarsinnaavoq aserfallatsaaliinermut imaluunniit illup eqqissisimatitap allatut suliarineranut imaluunniit sumiiffimmi kulturikkut oqaluttuarisaanermi pingaarutilimmi sulianut aningaasartuutaasinaasut aningaasanut inatsikkut aningaasaliissutigineqartunik tamakkiisumi ilaannakortumilluunniit matussuserneqarsinnaaneranik. 

§ 15 imm. 2: Illut sumiiffiillu kulturikkut oqaluttuarisaanermut pingaarutillit inatsit manna naapertorlugu eqqissisimatitaasut Nunatta Katersugaasivianit nakkutigineqarput.

imm. 3: Illut sumiiffiillu kulturikkut oqaluttuarisaanermut pingaarutillit aserfallatsaalineqarnerat Nunatta Katersugaasiviata aningaasanut inatsip aningaasaliissutaata periarfissiinerata iluani aserfallatsaalinissaat pisussaaffigaa.

Saaffissat

Aserfallatsaalisassat amerlaqimmata suliassanik sukangasumik tulleriiaarinissaq pisariaqarluinnarpoq. Illutoqqat eqqissisimatitat (§ 14) suliarinissaanut aningaasanik qinnuteqaatit NKA-mut nassiunneqassapput. Skemamik immersugassaqanngilaq.