Ningerneq

Agguaassisarneq assigiinngiiaarpoq apeqqutaalluni suna pisarineqarsimanersoq, suminngaanneernerlunilu. Taamattumik ajornakusuulaarpoq oqassalluni agguariaaseq qanoq ittuunersoq. Qangaanerusoq aamma atugaasimavoq pisaq angerlarsimaffimmut apuunneqarsimariaraangat nunaqqataasut ujaraaqqamik pisaq eqqoriarsinnaagaat taamaasiornikkullu qulakkeerneqartarluni pisap sunartaa kiap pissaneraa. 1950-ikkunni qisunnik tukutuuaraqartoqalermat ileqqoq taanna atorneeruppoq. Tassami tukutuuaraatillit angallateqalerpoq akisuunik umiartortoqalerlutillu akissarsialinnik, taamaasillutillu aningaasat tungaatigut pisussaaffeqarnerulerput, tamakkualu nunaqqatiniit pingaarnerutinneqarput.

Piniartoq pisaqartoq tassaajuaannarpoq unaamik imaluunniit aallaammik eqquisoq siulliulluni, taannalu nalinginnaasumik pisap niaqua pisarpaa, taannalu pisami nalitunerpaasarpoq - assersuutigalugu soorlu qilalukkap imaluunniit aarrup tuugaava aammalu nannup amia. Kisiannili Tunumi tamanna allaaneruvoq, tassami nannumik takunneqaartoq meeraagaluaruni utoqqaagaluartuniluunniit nannup amianik pinnattuusussaagami. (ba)

Najoqqutarisat:

Albrechtsen, Bo. 2001. Hvalerne i Nuussuaq – delingsprincipper, udveksling og social samhørighed blandt fangerbefolkningen i det nordlige Upernavik-distrikt. Specialeafhandling. Institut for Eskimologi. Københavns Universitet.

Birket-Smith, Kaj. 1924. Ethnography of the Egedesminde District. Meddelelser om Grøland 66. København.

Dahl, Jens. 2000. Saqqaq. An Inuit hunting community in the modern world. Toronto. University of Toronto Press.

Hovelsrud-Broda, G. K. 1998. The Seal: Integration of an East Greenlandic Economy. Ph-D afhandling.

Kishigami, Nobuhiro. 2013. Sharing and Distribution of Whale Meat and Other Edible Whale Parts by the Inupiat Whalers in Barrow, Alaska, USA. National Museum of Ethnology, Osaka, Japan.