Nunatta Katersugaasivia Allagaateqarfialu
Grønlands Nationalmuseum & Arkiv
BurgerBurger
Arrow-simple-leftArrow-simple-leftArrow-simple-rightArrow-simple-right

Ammerineq

Ammereriaatsimut ilisimasat issittumi najugalinnut ilisimassallugit nalimmassartarnissaallu pingaruteqarpoq. Amermi atisaliassatuinnaq atorneqarneq ajorpoq tassami aamma piniutinut, angerlarsimaffimmut angallatissatullu atorneqartarpoq. Ammit sorliit sunut atorneqarnissaat ammillu aaliangersimasut qanoq suliarineqarnissaat pingaaruteqarluinnarpoq ilisimanissaat ajunnginnerpaamik atorsinnaassagaanni, taamaasiornikkummi issittumi inooriaatsimut atortussat ineriartortilluarneqartarput.
Ammerineq

Kalaallit Nunaanni ammerinermik ileqqoq ukini 4500-ni atuutereersimavoq. Ilisimasat qangarnitsat kinguaariinniit kinguaariinnut ingerlatinneqartarput, ilisimasallumi ullumikkumut suli atuupput.

Uumasuninngaanniit ammit kisimik atorneqarneq ajorput, tassami uumasut assigiinngitsut nukii, iggiaat, ameraasaat aqajaruilu assigiinngitsunut atorneqartarput ujalussiassatut, qilaatip ammertassaanut assigiinngitsunullu puussatut.

Ammit atortuliassat atisaliassallu assigiinngitsunik suliarineqartarput. Taamaattumik ammerineq naammassineq ajorpoq suliaq naammassisimaleraangat, tassami atorneqartuartartilluni aaqqissuunneqartuassagami.

Inuit kulturiat Kalaallit Nunaanniiginnassappat pingaaruteqartorujussuusimavoq ammereriaatsinut ilisimasaqarnissaat, ammillu puisininngaanneerput assigiinngitsuni tallimani, taakkualu suliarineqartarput assigiinngitsunut atugassiaralugit. Ammit atorneqarsinnaasut tamarmik suliarineqartarput amerlasuutigut atisaliassatut. Ammillu oqornerpaat tuttut teriannissallu amii aaliangersimasumik suliarineqartariaqartarput. Aammattaarli timmissat, ukallit, qimmit nannullu amii atisassiarineqartarsimapput.

 

Najoqqutarisat:

Arnat Ilinniarfiat Sisimiut 
1987: Ujallut, 1984: Timmissat amii, 1982: Kalaallisut ammerineq. Pilersuiffik, 1990: Amminik suleriaaseq, Atuakkiorfik.

Birket-Schmidt, Kaj, 1924, Ethnography of the Egedesminde District. M.O.G. LXVI. København. PP. 167 – 211

Chemnitz, Gudrun, 2001, Avanersuarmiut atisaat. Thuletøj. Thule Outfits. Forlaget Auagkat.

Hatt, Gudmund, 1914, Arktiske Skindragter i Euroasien og Amerika. Et Etnografisk Studie. J. H. Schultz Forlagsboghandel. København

Rix, Lotte, 1979, Grønlandske skinddragter. Skindbehandling, snitmønstre, syteknik og udsmykning.Working Papers  no. 11. The National Museum of Denmark.

CloseClose

Ujarfigiuk Nunatta Katersugaasivia Allagaateqarfialu