Immikkut saqqummersitat
Nunatta katersugaasivia immikkut ittunik saqqummersitaateqartarpoq ukiup ingerlanerani, taakkualu Kalaallit Nunaanni kulturikkut kingornussatut takussutissaasarput. Uani quppernermi immikkut saqqummersinneqartut pillugit atuarsinnaavatit.
6. april 2024 - 18. august 2024
Ilisimasassarsiortut qimataat
Kalaallit Nunaanni ilisimasassarsiornissaq ukiuni arlalinni soqutigineqartuartarpoq. Ukioq 1853-miit 1934-mut ilisimasassarsiornerit 19-t ingerlanneqarput. Ilisimasassarsiortut ukua Avannaarsuani misissuinerminni pisattat, atortut sakkullu qimassimasaat maanna katersorneqalereersimapput.
Qimatat saqqummersillugit takusassiarineqarput.
Saqqummersitaq apriilip arfernaniit takusaruk qimatallu oqaluttuassartaasa ilaat paasisaqarfigalugit.
Aggustip 18-t ilanngullugu saqqummersitaq katersugaasivimmiittoq takuniarneqarsinnaavoq.
Saqqummersitaq alakkarnissaanut periarfissaqanngikkuit, internetikkut maana saqqummersitap imarisaa takunissaanut periarfissaqarputit tuugassaq una iserfigalugu:
22. september 2023 - 25. februar 2024
NORDAFAR
Nunatta kitaani aalisartunut tunitsiveqarfiusimasoq NORDAFARi 1953-imi ammarneqarpoq 1985-imilu matuneqarluni. Tunitsiveqarfiusimasup oqaluttuassartaa saqqummersitami sammineqarpoq.
NORDAFARimut aalisartut Norgimeersut, Savalimmiuneersut, Danmarkimit Nunatsinnillu, kiisalu Europameersut tulattarsimapput. Tunitsiveqarfik pikialaarfiusimavoq maanna oqaluttuassanik ulikkaartoq. Illuliat sisamat immikkut ittumik oqaluttuanngorlugit saqqummiunneqarput.
Saqqummersitaq septembarip 23-t aallarnerfigalugu takusaruk tunitsiviullu oqaluttuassartaata ilaa paasisaqarfigalugu. Februaarip 25-t ilanngullugu saqqummersitaq katersugaasivimmiittoq takuniarneqarsinnaavoq.
Saqqummersitaq alakkarnissaanut periarfissaqanngikkuit, internetikkut maana saqqummersitap imarisaa takunissaanut periarfissaqarputit tuugassaq una iserfigalugu:
23. marts 2023 - september 2023
Illuaqqat oqaluttuarput
Nunatta kangiata avannaani illuaqqat ukioq 1908-imiit 1960 ilanngulugu pilersinneqarsimasut qanoq oqaluttuassaqarnersut aqqusaagaqarsimanersullu saqqummersitami sammineqarput.
Illuaqqat paasisaqarfigiartorlugit saqqummersitaq alakkarniariuk.
Septembarip tungaanut saqqummersitaq Nunatta Katersugaasivianut takuniarneqarsinnaavoq.
Saqqummersitaq alakkarnissaanut periarfissaqanngikkuit, internetikkut maana saqqummersitap imarisaa takunissaanut periarfissaqarputit tuugassaq una iserfigalugu:
11. novembari - 29. januaari 2023
Ivissuarnik nuioraaneq
Nunatta pissarititaanik atuineq annertunerugallarmat iviit atorfissaqarluartarnerat ilisimaneqarpoq. Kamiit piniinut illermilu maavaaqutissatut atorneqartarneri assersuutaalluarpoq. Assassornerup silarsuaani atortussianngorlugit kusanartulianngorlugillu aamma suliaasut takussaapput. Ivigarsuarnik nuioraaneq qangaaniilli suli aallunneqarpoq.
Saqqummersitaq isumassarsiorfigiartoruk ivikkerinerullu oqaluttuassartaa pillugu paasisaqarfigiartorlugu.
Januaarip 29-t ilanngullugu saqqummersitaq takuniarneqarsinnaavoq.
21. juuni - 30. septembari 2022
Saqqummersitaq immikoortoq "NUNARPUT 1721-2021 NUNASIAATAANEQ. PIORSARNEQ. INUIAAT." internetsikkut takujuk
Katersugaasiviup saqqummersitaa "NUNARPUT 1721-2021 NUNASIAATAANEQ. PIORSARNEQ. INUIAAT." nittartakkakkut takuneqarsinaavoq iserfigiuk
Novembari 2018 - Februari 2019
Juuni - Septembari 2018
