Attaveqatigiinnerup inuiaat pilersippaat

Saqqummersitat Attaveqatigiinnerup inuiaat pilersippaat-mi takuneqarsinnaapput kalaallit kikkuussusaat qanga piniartuunerminngaanniit ullutsinnut inuiaqatigiinnut kalaaliusunut ineriartorneq. Aammattaarlu takuneqarsinnaalluni kalaaliussutsimut inuiaassutsimillu ilisimasaqaleriartuaarneq.

Saqqummersitani pingaarnerpaat ilagaat kalaallit oqaluffianik, atuarfeqarfianik ilinniarfeqarfianik, politikkikkut oqaluttuarisaanermik ineriartortoqarsimaneranik paasissutissiinerit aammattaarlu attaveqatigiinneq umiarsuatigut, timmisartukkut angallannertigut radiokkut nalunaarasuartaatikkullu attaveqatigiinneq aamma paasissutissiissutigineqarluni. 

Saqqummersitami aamma sammineqarpoq Kalaallit Nunaat nunarsuarlu, tassanilu ersersinneqarluni 1940-kkunninngaanniit nunap qanoq pingaaruteqarsimatiginera sumiiffimmi inissisimanini peqqutigalugu.

Saqqummersitami uani takutinneqarpoq ineriartornerit aaliangersimasut aaqqissuussaanerup attaveqatigiinnerullu iluani ataatsimut immikkulluunniit, inuiattut ataatsimoortutut misigissutsimik ineriatortissimanerat. Nunaqarfiit assigiinngitsut akornanni attaveqatigiinnerup annertusiartornerani inuiaqatigiit paasiartulerpaat ataatsimut tamarmik attuumassuteqarlutik, nunaqqatigiit iluanniinnaanngitsoq.