Namminerisamik allagaatit

Namminerisamik allagaatit tassaapput NKA-mut inunnit ataasiakkaanit, peqatigiiffinnit suliffeqarfinnilluunniit namminersortunit tunniussat. Tassaasinnaapput allagaatit eqqumiitsuliortunit, atuakkiortunit, politikerinit, ilisimatusartunit imaluunniit allanit allakkat, ullorsiutit assigiinngitsunik ulluinnarni pisartunik imallit. Peqatigiiffiit suliffeqarfiillu allagaataat ataatsimiinnerni pisunik imaluunniit naatsorsuusianik peeqatigiiffiup suliffeqarfiulluunniit ulluinnarni ingerlanneqarneranut tunngasut imaqakkajupput.

Namminerisamik allagaatit inummut mianerisassartalinnik imaqakkajupput, taamaammallu paasissutissat minnerpaamik ukiut 80-it qaangiukkaangata aatsaat inunnut tamanut ammaanneqartarput.