Nunatta Katersugaasivia Allagaateqarfialu
Grønlands Nationalmuseum & Arkiv
BurgerBurger
Arrow-simple-leftArrow-simple-leftArrow-simple-rightArrow-simple-right

Andreas Lund Drosvadip ullorsiutai 1922-miit 1937-mut

Andreas Lund Drosvadip ullorsiutai 1922-miit 1937-mut

Andreas Lund Drosvad (1899-1989) naqiterinermi ilioqqaasutut Holstebromi sulivoq, taamaattorli atuakkiortunngornissani anguniagaraa. 1922-mi taalliani katersat siulliit saqqummersippai, tamatumalu kingorna aalajangerpoq Kalaallit Nunaannukarniarluni, tassani suliutigaluni allattarniarluni. Maniitsumi aalisakkerivimmi pisortap qitornaanik ilinniartitsisutut ukioq ataaseq atorfeqalerpoq. ALD-ip Kalaallit Nunaaniinnini nuannarilerpaa, pingaartumillu aalisarneq piniarnerlu nuannersisillugit. 1925-mi Kalaallit Nunaanni atorfissarsioqqippoq, 1925-milu Upernavimmi atorfittaarpoq. Upernavimmi aalisarnermi misilittaasussanngorpoq aammalu qilalugarniarneq aquttussanngorlugu. ALD-ip taagutigilerpaa ”Suku”, taamaassimaneralu 1920-kunni ullorsiutini atuarneqarsinnaavoq. Ullorsiutini avannaani ulluinarni inuunerup ingerlaasia pillugu paasissutissarpassuaqarpoq, Sukuttaaq nammineq inuuneranut tunngassutillit ilaapput, nalinginnaasumillu inuuneq pillugu isumaliutigisarsimasai atuarneqarsinnaapput.   

Andreas Lund Drosvadip ullorsiutai nammineq toqqorsivianiit pissarsiaapput, toqqortaatinilu 1985-mi NKA-mut tunniuppai. Ullorsiutaani siullermi Kalaallit Nunaannukarnissaminik aalajangernini pillugu allagaanik imaqarput. Kalaallit Nunaanniinnerminilu ullut tamangajaviisa ullorsiutimini allattarsimavoq. Ullorsiutai inunnut inummullu tunngassuteqartunik imaqarmata – aatsaat ukiut 80-it qaangiutereernerini tamanut ammaanneqarsinnaapput. Taamaammat ullorsiutai pisoqaanerpaat kisimik qangagooq.gl-mi atuarneqarsinnaapput. 

CloseClose

Ujarfigiuk Nunatta Katersugaasivia Allagaateqarfialu