Kalaallit Nunaata Katersugaasivia & Allagaateqarfia: Assigiinngisitaarnermut peqataatitsinermullu pisussaaffik

Kalaallit Nunaata Katersugaasivia & Allagaateqarfialu Kalaallit Nunaata kulturikkut kingornussassaanik pingaaruteqarluinnartunik toqqorsiviuvoq, kingornussassatut Inuit ileqquisa assigiinngisitaarnerannit, nunasiaateqarnermi aqqusaakkat, ullumikkullu ilisimalikkat atorlugit suliarineqarsimasut. Siunnersivarput oqaluttuat siammasissusaat annertussusaallu nukittoqutigigipput, taamatuttaarlu inunnut tamanut siammarterisinnaanerput.

Taamaattumik pisussaavugut katersugaasivik allagaateqarfillu inunnut tamanut peqataatitsisoq, tikilluaqqusisoq aammalu ullumikkut nunatsinni nutaajusumi inuiaat assigiinngisitaarnerannut tunuliaqutaasoq. Isumaqarpugut:

• Kikkut tamarmik tusarneqarnissartik pisussaaffigigaat: Uummateqarfigaarput katersissalluta, toqqortaateqassalluta saqqummersitsisassallutalu oqalutuanik Kalaallit nunaannit tamaneersunik, oqaluttuarisaanermilu inuit eqqaaneqarpiarneq ajortut ilanngullugit. Assigiinngitsunik isiginnittaaseqarneq annertusarniarlugu annertuumik anguniagaqarpugut, qulakkeerlugu katersaatigut saqqummersitallu kalaallit kinaassusiannik misilittagaannillu tamakkiisumik ersersitsinissaat.

• Saaffigiuminartuunissaq pingaaruteqarluinnarpoq: Katersugaasivipput allagaateqarfillu tamanut saaffigiuminarnissaat anguniartarparput, sumik tunuliaqutaqarneq, piginnaasarneq oqaatsilluunniit apeqqutaatinnagit. Tassani pineqarput pigisat toqqortat takoriaannaanissaat, kiisalu ilisimatuussutsikkut kulturikkullu pissarsiarineqarsinnaaneq. Pisussaatitaavugut pilersaarusiussalluta innuttaasut assigiinngitsut ilisimatusaatit aallaavigalugit kulturikkut kingornussat pillugit sammisaqartitsinermi peqataatinnissaannut.
• Ataqqinninneq paasinninnerlu tunngaviupput: Pulaartunut, sulisunut, aammalu nammineq piumassutsiminnik sulisunut isumannaatsumik ataqqinninnermillu pilersitsinissaq pisussaaffigaarput. Assigiinngiiaassuseq tamani pingaartipparput, tassaasut immikkut inuiaassuseqarneq, oqaatsit, upperisaq, arnat angutillu akornanni suiaassuseq, ukiunik piginnaasanillu apeqqutaatitsinnginneq. Assigiinngisitsineq isummanillu pigiliutiinnakkanik atuisarneq tamaasa akuerinngilluinnarpagut.

• Suleqatigiinneq pingaaruteqarluinnarpoq: Siunnertarivarput katersugaasiviup allagaateqafiullu ineriartortinneqarnerani innuttaasut tamarmik peqatiginissaat. Pisussaaffigaarput nunaqavissut assigiinngisitaartut, kulturikkut suliniaqatigiiffiit allallu susassaqartut tusaallugit ataqqillugillu qanimut suleqatiginissaat.
• Ilikkakkat ingerlaavartuunissaat pingaaruteqarpoq: Siunertarivarput tamatigoortuunissaq peqataatitsinissarlu ataavartuutissallugu. Pisussaaffigaarput ilikkakkat pitsanngorsaatissallu ataavartuunissaat inuiaqatigiillu piumasaat tusaaniarlugit ammaffigiuarnissaat. kissaatigisaallu qulakkeernissaat. Uummateqarfigaarput sulisutta kulturit assigiinngisitaartut ilisimaarinerulerlugillu ataqqinninnissaannik ilinniartittsuarnissaat.

Nunatta Katersugaasivia Allagaateqarfialu tassaannaanngilaq katersaasinik allagaatinillu katersuivik. Suliffeqarfiuvoq uninngaannanngitsoq Kalaallit kulturiannik allanngorartuartumik suliaqartoq. Pisussaaffigaarput qularnaassallugu katersugaasivik aamma allagaateqarfik ilinniarfiusoq, isumassarsiorfiusoq aammalu inuiannut ataqatigiisitsisoq, taamatuttaarlu naligiinnerulernermik siunissamillu qaamanerusumik pilersitsiffiusoq.