Sullisineq sivisunerusoq

Nunatta Allagaateqarfianut saaffiginnittarnerit amerligaatsiarnerisigut sulisullu ikinnerulernerisa kingunerisaanik maannakkut sullisinerput sivisunerulerpoq. Suliassat tamarmik nukingertumik suliarineqartaraluartut, ajuusaarnaraluartumik, naatsorsuutigisinnaavat saaffiginnissutigisat aatsaat sapaatip akunneri pingasut ingerlaneranni akineqarnissaa.

Sooq taama sivisutigissava?

Innuttaasunit, oqartussanit, suliffeqarfinnit, ilisimatusartunit il.il. allagaateqarfimmut saaffiginnittarnerit amerlinerisigut kiisalu allagaateqarfimmi sulisut ikinnerulerneri tunngavigalugit akissutiginissamut utaqqineq sivisunerulerpoq.

Tamanna qanoq ilinnut isumaqarpa?

• Akissutisinissaq sivisunerusoq: Naatsorsuutigisinnaavat sapaatip akunneri pingasut ingerlaneranni saaffiginnissutit akineqarnissaa.
• Attaveqarnissamut periarfissat killeqartut: Allagaateqarfimmi sulisunut attaveqarnissamut periarfissat killeqarsinnaanerat.

Taamaattoqarnera ajuusaarutigalugu, naammangittarnerit qujassutigaarput. Pissutsit taamaattut iluarsiniarlugit sulissuteqarpugut, nittartagarpullu aqqutigalugu pisunut malinnaasinnaavutit.

Paasissutissaq pingaarutilik: Ilisimatusartunik sullissinerput unitsikkallarneqarpoq

Ajuusaarutigalugu nalunaarutigaarput, ilimatusartunik sullissinerput oktoberip allaqqaataa 2024 aallarnerlugu unitsikkallaratsigu. Tamanna isumaqarpoq maannakkut apeqquteqaatinik makkuninnga tigusineq unitsikkatsigu:

Allagaatinik ilisimatusarneq: Allagaatinik misissuiniarluni saaffiginninnerit, matumani ininik inniminniiniarnerit aammalu ilisimatusarluni suliniutit aqqutigalugit ilisimatusartunut ilitsersuinerit taakkunngaanniillu apeqquteqaatit.

Apeqqutit allagaateqarfiup katersaataanut tunngasut: Tamanna atuupportaaq allagaatinik aalajangersimasunik apeqquteqaatinut, katersaatinut nalunaarsugaatinik taakkualuunniit assigisaat.

Unitsitsigallarnermut tunngaviusoq:

Aalajangerneq tamanna tunngaveqarpoq naliginnaanngitsumik sullinneqarnissamik apeqquteqaatit annertusinerat, ilutigisaanillu sulissut ikilinerat tunngaviullutik. Immikkoortortaqarfitsinni tamani suliassat annertusinerisigut sullissinerput sivitsormat, suliatsinnik pingaarnersiuisariaqalernitsinnik tunngaveqarluta aalajangerpugut ilisimatusartunik sullissinerput unitsikkallarlugu.

Sullisseqqilernissaq naatsorsuutigineqassaaq:

Ilisimatusartunik sullissisarnerput 2025-p aallartinnerani ingerlateqqissinnaalernissaa naatsorsuutigaarput. Ulloq sunarpiaq aallarnerlugu sullisseqqilernissaq aalajangerutsigu erngertumik nittartagarput aqqutigalugu nalunaarutigiumaarparput.

Saaffiginnissutit allat:

Saaffiginnissutinut allanut, qulaani nalunaarutigineqareersut pinnagit, sullissinerput ingerlaannarpoq. Soorlu inuttut ataasiakkaatut paasissutissanik noqqaanerit aammalu pisortat sullissiveqarfiutaanni allagaatinik tunniunneqartussaatitaasunut tunngasunik ilitsersuisarnerput sullissinerpullu imaluunniit allagaateqarnermut tunngasunik apeqquteqaatit naliginnarnut sullissinerput ingerlaannarpoq. Naatsorsuutigineqarsinnaavorli saaffiginnissutinik akissutisinissaq naliginnaasumit sivisunerusinnaammat, allagaateqarfimmi sulisut ikilinikuuneri pissutigalugu.

Ilisimatusarniaraluarlutit unitsitsigallarnerup kigunerinik aporfissaqarnerit ajuusaarutigaarput. Tamanna iluarsiiviginiarlugu sulissuteqarpugut, nittartagarpullu aqqutigalugu pissutsit qanoq ingerlanersut malinnaavigisinnaavat.