Nunatta Katersugaasivia Allagaateqarfialu
Grønlands Nationalmuseum & Arkiv

Kulturikkut eriagisassat suuppat?

Kulturikkut eriagisassat ullutsinni akornatsinniittuaannarput, kulturikkut eriagisassat ilai takusinnaavagut, ilaili aamma takusinnaanngilagut. Ataaserli qularutissaanngilaq, tassa kulturikkut eriagisassat akornisigut ingerlaartarpugut. Kulturikkut eriagisassat Kalaallit kulturiannik illulioriaasiannillu oqaluttuartuupput, eqqissisimasuutitassanngortitsinissamullu inatsisit inuit oqaluttuassartaat paariinnarneqarnissaanik qulakkeerisuuvoq uagutsinnullu kinguaatsinnullumi iluaqutaasussaallutik.

Kulturikkut eriagisassat tassaapput qanganitsat nunamiittut, illuusinnaapput imaluunniit kulturikkut oqaluttuarisaanermut tunngassusiliusinnaapput piffiit.

Qanganitsat eriagisassat taakkuupput inoqarsimaneranut takussutissat, taakkualu itsarli qimanneqarsimasuupput, kisianni aamma taakkua takussutissaapput tassunngartoqarsimaneranut.

Illut taakkuupput kulturtikkut eriagisassani takussutissat annerpaat, taakkualu Kalaallit Nunaata kulturianik piffissallu ingerlanerani illulioriaatsimik takussutissiipput, taakkualu nalilersorneqartarput nunap imaluunniit nunap ilaanut pingaaruteqarnersoq.

Kulturikkut eriagisassat allat taakkuupput kulturikkut eriagisassat imaluunniit piffiit aaliangersimasut oqaluttuassartallit ataqatigiinneri.

Ukunani assigiinngitsuni pingasuni eqqissisimasussanngortitseriaatsit assigiinngitsut marluk atorneqarsinnaapput:

  • Fakultative fredninger; aaliangiinikkut eqqissisimasussanngortitsinerit, illu arlaatigut immikkutu naleqartutut nalilerneqarsimappat.
  • De facto fredninger; qanganitsat eriagisassat ukiuni 100 sinnerlugit pisoqaassusillit nammineerlutik eqqissisimasunngortinneqarnikut

NKA.gl ujarfigiuk