Nunatta Katersugaasivia Allagaateqarfialu
Grønlands Nationalmuseum & Arkiv
BurgerBurger
Arrow-simple-leftArrow-simple-leftArrow-simple-rightArrow-simple-right

Akissarsiassat

  1. 10.000 kr.
  2. 5000 kr.
  3. 1000 kr.

Immersugassaq

Immersugassaq aaguk

SANAAT NASSIUNNIARLUGU UNA TOORUK

Ilitsersuut

Ilitsersuut aaguk

Eqqaamasassat

Nassiussinnginnerni qulakkiikkit:

  • SULIAT
    eqqortumik toqqorsimanerlugu
  • IMMERSUGASSIAQ IMMERSORSIMANERLUGU
    paasissutissat ilinnut suliannullu tunngasunik imaqartoq
    (immersugassaq karseerannguaq qulaatungaaniittumi nassaarisinnaavat)
  • UPPERNARSAAT
    20-t sinnerlugit ukioqaruit ilinniartuunermut uppernarsaat tigumminerlugu qulakkeeruk
2121 Unammititsineq

Augo Lyngip 1931-imi siunissamut takorluuilluni oqaluttualiaa, Ukiut 300-nngornerat, Ajoqersuisoq Hans Egedep Nunatsinnut siullermeerluni tikissimalerneraniit ukiut 300-t qaangiunneranut pisimasuutinneqarpoq.

NKA nunatsinni inuusuttut siunissamut takorluueqatiserivai. Takorluuineq tamatumuuna filmeeranngorlugu/videonngorlugu, assilianngorlugu immaqaluunnit nipinit assigisaanillu suliaassasoq.

- Nunarput ukiut 100-t qaangiuppata qanoq isikkoqalersimassava?

Unammititsinermullu peqataarusuppit? Kingusinnerpaamik ulloq 31. maaji 2021 siunissamut takorloorusiat WeTransfer aqqutigalugu nassiutissavat (Nassiussivissaq saamiatungaani nanisinnaavat).

Nassiussilernermi immersugassaq (saamiatungaani aamma nassaassaavoq) immersorsimassavat.

Nunarput 2121-imut takorluukkat takunissaanut qilanaalereerpugut.

Unammisitsinermi najoqqutarisassat

Ilusissaq

  • Inuk kisimiillutit immaqaluunniit eqimattatut unammititsinermi peqataasinnaavusi.
    1. Peqataasunut ukiugititaq: 16-20 akornanni ukioqartuunissaq, immaqaluunniit inuusuttut ilinniarfianni ilinniartuuneq
    2. Peqataasut akornanni 20-t sinnerlugit ukioqartoqarpat ilinniartuunermut uppernarsaat kakkiunneqassaaq
    3. Immersugassiami peqataasup aqqa / peqataasut aqqi ersarissumik allanneqassapput
  • Siunissamut takorluugaq nammineq filmeeranngorlugu, assilialianngorlugu immaqaluunniit nipitut assigisaannillu iluseqartumik sanaajussaaq.
    1. Nassiussap fil-itut iluserisinnaasaai ukuupput:
      1. mp3
      2. mp4
      3. jpeg
      4. tiff
      5. pdf
    2. Annerpaamillu 2 GB-imik nassiussisinnaavutit.
  • Takorluuga qanorsuaq eqqumiitsuliaatigisinnaavoq, pivimasuutigisinnaavoq, oqaluttuaasinnaavoq assigisaannilluunniit.

Takissuseq

Nassiussaq takinerpaamik minutsini 10-nik sivisussuseqarsinnaatitaavoq.

Mianerisassaq

Suliaq inunnut ataasiakkaanut, inuiaqatigiikkaanut, upperisarsiortoqatigiinnut suiaassutsinulluunniit assigiinngisitsissanngilaq qinngarsortuussananilu.

Piginnittussaaneq

Suliarineqartut naammassillugit nassiunneqarneraniit NKA tamakkiisumik piginnittussaanermik tunniussiffigineqassaaq, ilaatigut naammineq nittartakkamini, saqqummersitsivimmini Sociale Mediakkullu siammartersinnaanngorlugu saqqummiunneqarsinnaassapput.

Naliliineq

Unammititsinermi ajugaasussat naliliisartunit qinerneqassapput, ajugaasullu pingasut toqqarneqassallutik.

Avammut nalunaarutiginninneq

Nassiussat maana nittartakkatigut ilusissaanik eqquutsitsisut tamarmik takuneqarsinnaalissapput, tassa sineriammi sumiikkaluaraanniluunniit takuneqarsinnaassallutik.

Saqqummersitsineq

Suliarineqarsimasut akornanni pitsaanertut nalilerneqartut 2021-imi ukiaanera aallarnerfigalugu Nunatta Katersugaasiviani saqqummersinneqassapput.

Unammititsineq ingerlanneqarnera

Unammititsineq ukioq allarnerlugu 2021 maajip naanerata tungaanut ingerlanneqassaaq (januaari 1 - maaji 31 2021).

CloseClose

Ujarfigiuk Nunatta Katersugaasivia Allagaateqarfialu