Nunatta Katersugaasivia Allagaateqarfialu
Grønlands Nationalmuseum & Arkiv

Siunnersuisoqatigiit ataatsimiititaliarlu

Kulturikkut kingornussat pillugit siunnersuisoqatigiit

Kulturikkit eriagisassat eqqissisimatitaanerat pillugit Inatsisartut inatsisaat nr. 18, 19.november 2007-immersumiittoq §16 malillugu Naalakkersuisuni ilaasortaq Kulturikkut kingornussat pillugit siunnersuisoqatigiinnik pilersitsisassaat ukiuni sisamani atuuttussanik.

Suliassat §16 Imm. 2-mi allattorsimapput, tassa Kulturikkut kingornussat pillugit siunnersuisoqatigiit eqqissisimasussaatitaanermut siunnersuutinik tunniussisassaaq naleqq. §17, tusarniaavigineqartassallutillu  §14 tunngavigalugu akuersissuteqartoqarniartillugu. Taakkualu saniatigut Kulturikkut kingornussat pillugit siunnersuisoqatigiit illunik kulturikkullu oqaluttuarisaanermut tunngassutiteqartunut piffinnut eqqissisimatitaasunut taakkununngalu attuumassusilinnut siunnersuisussaatitaapput.

Kulturikkut kingornussat pillugit siunnersuisoqatigiit siulliit 2009-mi pilersinneqarput. Massakkuugallartoq Siunnersuisoqatigiinnik ingerlasoqanngikkallarpoq.

NKA Kulturikkut kingornussat pillugit siunnersuisoqatigiivisa allatsifgivaat, tassunga peqqutaavoq siunenersuisoqatigiit namminerisamik aningaasanut missingersuusiaqannginnerat. Siunnersuisoqatigiit pisariaqartitsisoqartillugu ataatsimiittarput. Allatsip akisussaaffigivaa Kulturikkut kingornussat pillugit siunnersuisoqatigiivisa ukiumut nalunaarusiaat allassallugu aammalu allataq Naalakkersuisunut misissortissallugu akueritissallugulu.

Nunatta Katersugaasiviara namminersortut pisortallu suliffeqarfiutai eqqissisimasussaatitsinermut tunngasunut siunnersuissapput apeqqutissaqartoqarpallu akissuteqartassapput. Siunnersuisoqatigiit aatsaat ilanngunneqassapput NKA ingerlatsinermut attuumassusilimmik allanngunniarpat kulturikkut eqqaamasassanut suliaqartoqarniarpat allannguineqrtalimmik, imaluunniit NKA-mut siunnersuisussatut.

Kulturikkut kingornussat pillugit siunnersuisoqatigiit pillugit paasisaqarnerorusukkuit uunga isersinnaavutit.

 

 

Katersugaasiveqarnermut ataatsimiititaliaq

Katersugaasiveqarnermut ataatsimiititaliaq Kalaallit Nunaanni katersugaasiveqarnermut ilaavoq. Tamanna atuarneqarsinnaavoq inatsimmi Katersugaasiveqarnermut Inatsisartut inatsisaat nr. 6, 30. oktober 1998-§19 Imm. 1. Inatsimmi tassani aamma atuarneqarsinnaavoq §19 Imm. 2-mi ataatsimiititaliat ukiut marlukkaarlugit aaqqissuunneqartassasut.

Katersugaasiveqarnermut ataatsimiitsitaliaq 1998-imi siullermeerluni pilersinneqarpoq, nalinginnaasumillu ataatsimiititaliami ilaasortat ukiup aallartinnerani ataatsimiitsinneqartarput.

NKA katersugaasiveqarnermut ataatsimiititaliamut allatsitut inissisimavoq. Allatsip Katersugaasiveqarnermut ataatsimiititaliamut ukiumut nalunaarusiaq suliarisassavaa, taannalu Naalakkersuisunut misissortinneqassaaq akuerineqassallunilu.

Katersugaasiveqarnermut ataatsimiititaliap atuuffii pillugit paasisaqarnerorusukkuit nittartagaannut iserlutit atuaqqissinnaavutit.

 

NKA.gl ujarfigiuk