Nunatta Katersugaasivia Allagaateqarfialu
Grønlands Nationalmuseum & Arkiv

Nunatta Allagaateqarfiani suut allagaataatigineqarpat ?

Allagaatit Nunatta Allagaateqarfianiittut tassaapput pisortat suliffeqarfiutaasa atorfeqarfiillu allat allagaataat. Allagaatit imarinerusarpaat nalunaarsukkat, ilaatigulli aamma ilaqartarput assinik, nunap assilinerinik, båndinik taamatuttaarlu filmit. Uani takuneqarsinnaapput Nunatta Allagaateqarfiani toqqortaatigineqarnerusartut ilaat:


- Palaseqarfiit allagaataat: Atuagarsuit, nalunaarutit, ajoqersuinermi allagaatit, paasissuteqaqatigiittarnerit, oqaluussissutit, ajoqit ullorsiutaat, atuarfiillu allagaataat il.il.


- Niuvertoqarfiit Naalagaqarfiisa allagaataat: Kujataata Avannaatalu Naalagaqarfii; najoqqutassiat naapertorlugit nalunaarsukkat, inuit amerlassusaannik kisitsisit, pisanik allattuiffiit, paarsisutoqqat oqaluuserisimasaat, Kommunep Sysselrådillu allagaataat il.il.

- Niuvertut allagaataat: Allaffigeqaqatigiittarnerit, niuvertorutsit allagaataat, inuit allattorsimaffii, atuakkat paasiniaavissat, kalaallinit pisiat tunisallu allattorsimaffii, nalunaarutit il.il.

- Qullersaqarfiit allagaataat: Namminersornerullutik Oqartussani qullersaqarfiini suliat journalilersukkat.
Kommunet allagaataat: Allaffigeqaqatigiittarnerit, ataatsimiititaliat imaqarniliorneri, journalit il.il.


- Seminariap allagaataat: Allaffigeqaqatigiittarnerit, oqalugiaatit, ilinniartut karakteri, skemat il.il.


- Namminersornerullutik Oqartussat, Pisortaqarfiit allagaataat


- Inuinnaat allagaataat: Allagaatit assigiinngitsut, soorlu; timersortartut peqatigiiffii, suliffeqarfiit namminersortut, inuit piorsarsimassutsikkut sunniutillit aammalu politikerit.


Allagaatit toqqortaatigineqartut annertunersaat ukiunik 25-nik pisoqaassuseqaleraangata  kikkunnilluunniit takuneqarsinnaanngortarput, ilaalli aatsaat ukiut 80-it qaangiunnerini. Allagaatinik takunnikkusukkuit Allagaateqarfik attavigisinnaavat allagaaserisorlu isumaqatigiissuteqarfigalugu. Allagaaserisup allagaatinik aalajangersimasunik misissorusutannik nassaassutissavaatit, taakkulu misissoornissaannut allagaateqarfiup inimik eqqissillutit misissuiffissannik innersuutissavaatit.

NKA.gl ujarfigiuk