Nunatta Katersugaasivia Allagaateqarfialu
Grønlands Nationalmuseum & Arkiv

Kiffartuussinerit

Nunatta Allagaateqarfiata soraarummeernermut uppernarsaativit pissarsiarinissaanut ikiorsinnaavaatit imaluunniit allagaatinik allanik pissarsiniarnermi kopeerussullutillu skannerussussinnaavaatit. Uani nittartakkami soraarummeersimanermi uppernarsaatit pissarsiarinerinut akigititaasut takuneqarsinnaapput.

 
Allagaateqarfiup allagaatinik ilisimatusarnermi inuinnarnullu atorsinnaatitsinermut akiliisitsisinnaanera allagaateqarnermut inatsimmi § 27-mi naqissusigaavoq. 
 

 

Soraarummeernermut uppernarsaatit 

Nunatta Allagaateqarfianiit ilinniarfippassuarninngaanniit soraarummeernermut uppernarsaatinik paarisaqarpoq. Taakkualu kopiinngorlugit tunniussinnaavaat, tamannalu 300 kr.-imik akeqartarpoq, taannalu akilereersimariarpat (aningaasanngorlugu - checkinngorlugu kontomulluunniit ikisinermik) suliarineqartarluni. 

 

Allagaatinik misissuineq


Nammineerluni Nunatta Allagaateqarfianukarluni misissuiartorsinnaanngikkaanni, ilaatigut akiliilluni allagaatinik misissuititsisoqarsinnaanera periarfissaavoq. Tassanili siuaasanik paasiniaaneq ilaanngilaq, allagaatilerisunullu suliakkiissutaasinnaanani.


Allagaatinik misissuititsiniaraanni tamanna allakkatigut e-mailikkulluunniit Nunatta Allagaateqarfianut saaffiginnissutigineqassaaq. Saaffiginninnermi erseqqissumik nassuiarneqassaaq paasissutissat suut ujartoneqarnersut. Kingorna saaffiginnittoq nalunaarfigineeqassaaq saaffiginnissut tamatigoortumik Allagaateqarfiup suliarisinnaanera imaluunniit naamik. Nunatta Allagaateqarfiata suliaq aallartissinnaavaa aatsaat saaffiginnittup suliassiissutaa erseqqippat nassuiarluagaappallu.


Saaffiginnissutit nalinginnaasut nalunaaquttap akunnerata ataatsip iluani suliarineqarsinnaasut akeqanngillat. Allagaateqarfiup nalilerpagu allagaatinik misissuisoqarsinnaasoq, piffissamik atuiffissamik akimillu missingersuusiortoqassaaq. Akunnermut akigititaq aalajangersimasoq akilerneqartassaaq akunnerit aallartinnerini, taassumalu saniatigut kopeerissagaanni taakkununnga aamma akiliisoqartassaaq, nassiussisoqassappallu nassiussinermut akiliuteqassalluni.

 

Soraarummeersimanermut uppernarsaatit


Nunatta Allagaateqarfiata soraarummeersimanermut uppernarsaatit ilinniarfeqarfiit assigiinngitsuneersut kopiivi tunniussinnaasarpai. Uppernarsaatip nassaarereerneratigut 300 kr.-mik akiliilluni pineqarsinnaavoq.

Akiliineq pissaaq Nunatta Katersugaasiviata Allagaateqarfiatalu konto-anut 6471-100-155-5.
Uppernarsaammik piniarnermi pingaaruteqarpoq cpr.nr., ilnniarfigisimasap aqqa, ukioq soraarummeerfik aammalu kinguliaq allanngortinneqarsimappat nalunaarutigineqassaaq uunga arkiv@arkiv.gl imaluunniit allakkatigut: Nunatta Allagaateqarfia, P.O. Box 1090, DK-3900 Nuuk.


Paasititsissutigissavarput Nunatta Allagaateqarfiata soraarummeersimanermut uppernarsaatit tamaasa piginngimmagit. Assersuutigalugu allagaateqarfimmut tunniunneqannginnerminni  tammarneqarsimasinnaammata.

Titartagaateqarfiup akigititai massakkut atuuttut uani takuneqarsinnaapput:

Tegningsarkivets prisliste gældende fra 2013 til og med juli 2017

Akit nutaat 1. august aallarnerfigalugu atuutilertussat uani takuneqarsinnaalereerput:

Tegningsarkivets prisliste gældende fra august 2017

NKA.gl ujarfigiuk