Nunatta Katersugaasivia Allagaateqarfialu
Grønlands Nationalmuseum & Arkiv

Siuaasanik paasiniaaneq

Siuaasappit oqaluttuassartaa paasiniaruk. Siuaasavit oqaluttuassartaa tassa Kalaallit Oqaluttuassartaani ilinnut tunngasoq. Nunatta Allagaateqarfiata katersaanni oqaluttuaqarpoq inunnut tunngasunik, oqaluttuallu taakku tusarneqarnissaminnut utaqqiinnarput.

Siuaasanik paasiniaaneq suunersoq uani atuarsinnaavat, oqaluttuarisaanerullu iluani misissuinerit qanoq aallartissanerlugu paasisaqarfigisinnaavat.

 

Siuaasanik paasiniaaneq sunaana?

Siuaasanik paasiniaaneq tassaakkajuttarpoq siuaasanut tunngasunik paasissutissanik suugaluartunilluunniit paasiniaaneq. Siuaasat tassaapput, aanaakkut aataakkut, aanaqqiikkut aataqqiikkut il.il. Kisianni siuaasanik paasiniaanermi aamma misissorneqarsinnaapput paasissutissat ilaquttanut suli uumasunut attuumassusillit.

Taamannak misissuisoqarniartoqartillugu allagaatit iluaqutaasorujussuusarput paasissutissanillu ujartuininni iluaqutaangaatsiarsinnaallutik. Siuaasanik paasiniaaniartoqartillugu allagaateqartoqanngilaq ataasiakkaanik paasissutissanik tamanik imalinnik. Oqartussat assigiinngitsut inunnik nalunaarsuisarput, tamannalu peqqutaavoq imaaliallaannaq suut tamarmik nassaarineqarsinnaannginnerinut. Taamaattumik siuaasanik paasiniaasoqarniartillugu kiffilleerakkaartumik ingerlasoqartarpoq. 

 

Siuaasanik paasiniaanermi killiffiit

Siuaasanik paasiniaalluni aallartinniaraanni imminut akilersinnaasarpoq ilaquttanut tunngasunik paasiniaaqqaarnissaq. Pingaaruteqartorujussuuvoq ilaquttat utoqqaanerit paasiniaaffigissallugit paasissutissanik siuaasanut tunngasunik. Paasissutissallu taakkartorneqartut taakkuusinnaapput atuagarsuarni inunnillu nalunaarsuiffinni nassaarineqarsinnaasut. Paasissutissallu makkuusinnaapput:

  • Ateq
  • Ukioq inuuffik, inuuffiullu sumiiffia
  • Ukioq toquffik, toquffiullu sumiiffia

Nammineerlutik paasissutissanik annertuunik katersereeruit allagaatinukarsinnaavutit. Allagaatit misissornerani paasissutissanik annertunerusunik nassaarsinnaavutit siuaasannut tunngassutilinnik. 

Siuaasatit pillugit soqutiginnikkuit Nunatta Allagaateqarfia saaffigisinnaavat. Allagaateqarfik inunnut siuaasanik paasiniaanernik sullissineq ajorpoq, kisianni misissuinissannut ikiorneqarnissannik pisariaqartitsiguit ulluinnarni nalunaaquttap qulip pingasullu akornanni allagaaserisumik læsesaliliartitsisinnaavutit. Atuagarsuarnut tunngasunut paasisaqarnerorusukkuit læsesalimi Siuaasanik paasiniaanissamut ilitsersuut atuaruk. Ilitsersuut siunnersuutitsialannik imaqarpoq misissuilinnginnermi atuaqqunaqisunik. Allattaatsit atuaruminaatsut pillugit aamma ikiorneqarsinnaavutit. Atuagarsuarni misissuinissanut ilitsersuutit pillugit ilitsersuut "atuagarsuaq sorleq?"-miittoq atuaruk paasiniaanissamut atuagarsuit najoqqutassani pingaarnerpaapput.

Taakkualu nittartakkatigut imaluunniit allagaateqarfimmut ornigunnikkut misissorneqarsinnaapput. Nittartakkatigut atuagarsuit misissorniarukkit ugguuna nassaarisinnaavatit. Atuagarsuit kopiivi Ilimmarfiup atuagaateqarfiata læsesalianiipput.

NKA.gl ujarfigiuk